رجاءً عطوني رأيكم

شباب بنات
انشالله كل عام وأنتو بألف خير بمناسبة حلول شهر رمضان وبهالمناسبة
شو رأيكم بما أنو بكرة أول يوم من أيام شهر رمضان
أنو نعمل شبه مسابقة بالمنتدى طوال أيام شهر رمضان
بيشارك فيها أي عضو من خلال دخوله على الموضوع بالقسم الاسلامي
وبيسجل كل يوم عدد الأجزاء اللي قرأها من القران والأذكار والتسابيح والصلوات المفروضة
والصلوات الأخرى متل "التراويح ، الضحى ، قيام الليل ،........"
وأي عمل منيح ومفيد ان كان كلمة حلوة للأهل أو صدقة لفقير أو مساعدة زميل أو جار
و حتى بيسجل البرامج اللي عم يتابعها برمضان "دينية ،اجتماعية ،ثقافية ، وحتى مسلسلات "
ورح تكون المسابقة بعيدة كل البعد عن الرياء والمفاخرة لأنو الغرض منها
التشجيع والتحفيز نحو العبادة من خلال مشاركات الأعضاء
وتعلم بعض العادات المفيدة والصحيحة برمضان
وهيك بنضيف هدف كتير سامي لأهداف المنتدى و بنكون ساعدنا بعضنا
حتى يكون رمضان لكل أعضاء المنتدى
"أوله ررحمة ،وأوسطه مغفرة ، وأخره عتق من النار"
واذا عجبتكم الفكرة عطوني رأيكم ولو حتى بنشاطات أخرى للمسابقة الرمضانية